Allam Muhammad Iqbal Poetry- Poetry in Urdu- Shabnam aur sitare- urdu Shayari

 شبنم اور ستارے

اک راو یہ کہنے لگے شبنم سے ستارے

ہر صبح نئے تجھ کو میسّر ہیں  نظارے

                                          کیا  جانیے، تُو  کتنے  جہاں  دیکھ  چکی ہے

                                           جو بَن کے مٹے، اُن کے نشاں دیکھ چکی ہے

زُہرہ نے سُنی ہے یہ خبر ایک مَلکَ سے

انسانوں کی بستی ہے بہت دُور فلک سے

                                        کہہ ہم سے بھی اُس کشورِ دلکش کا فسانہ

                                        گاتا    ہے قمر جس کی  محبت کا ترانہ

اے    تارو   نہ پوچھو  چمنستانِ جہاں کی

گلشن نہیں، اک بستی ہے وہ آہ و فعاں کی

                                       آتی ہے صباواں سے پلٹ جانے کی خاطر

                                      بے چاری کلی کھِلتی ہے مُر جھانے کی خاطر

کیا تم سے کہوں کیا چمن افروز کلی ہے

ننھا سا  کوئی  شعلہ بے  سوش کلی ہے

                                      گُل نالہ بلبل کی صدا سُن نہیں سکتا

                                      دامن سے مرے موتیوں کو چُن نہیں سکتا

ہیں مُرغِ   نوا ریز  گرفتار، غضب ہے

اُگتے ہیں تہِ سایہ گُل خار، غضب ہے

                                     رہتی ہے سدا نرگسِ بیمار کی تر آںکھ

                                    دل طالِب نظاّرہ  ہے، محرومِ نظر آنکھ

دل  سوختہ  گرمیِ  فریاد   ہے  شمشاد

زِندانی  ہے  اور نام کو آزاد ہے شمشاد

                                     تارے شررِ آہ ہیں انساں کی زباں میں

                                    میں گریہ گردُوں ہوں گلستاں کی زباں میں

نادانی ہے یہ گِر دِ    زمیں طوف قمر کا

سمجھا ہے کہ درماں ہے وہاں داغِ جگر کا

                            بنیاد ہے کاشانہ عالَم کی ہَوا پر

                          فریاد کی تصویر ہے قرطاسِ فضا پر