Allama Muhammad Iqbal best poetry in urdu ایک پہاڑ اور گلہری best urdu shayari

 ایک پہاڑ اور گلہری

کوئی   پہاڑ  یہ    کہتا تھا    ایک  گلہری  سے

تجھے ہو شرم تو پانی میں جا کے ڈوب مرے

                                                  ذرا سی چیز ہے، اس پر غرور ، کیا کہنا!

                                                 یہ عقل اور یہ سمجھ ،یہ شعور،   کیا کہنا!

خدا کی شان ہے نا چیز چیز بن بیٹھیں

جو بے شعور ہوں یوں با تمیز بن بیٹھیں

                                              تری بساط ہے کیا میری شان کے آگے

                                             زمین ہے   پست   مری   آن  کے آگے

جو بات مجھ میں ہے ،تجھ کو وہ ہے نصیب کہاں

بھلا       پہاڑ      کہاں    ،     جانور      غریب   کہاں

                                            کہا یہ سن کر گلہری نے ،منہ سنبھال ذرا

                                            یہ کچی باتیں ہیں دل سے انہیں نکال ذرا

جو میں بڑی نہیں تری طرح تو کیا پروا

نہیں ہےتو بھی تو آخر مری طرح چھوٹا

                                  ہرایک چیز  سے  پیدا   خدا کی  قدرت ہے

                                  کوئی بڑا،کوئی چھوٹا،یہ اس کی حکمت ہے

بڑا جہان میں تجھ کو  بنا  دیا اس نے

مجھے درخت پہ چرھنا سکھا دیا اس نے

                                    قدم اٹھانے کی طاقت نہیں ذرا تجھ میں

                                    نری بڑائی ہے،خوبی ہے اور کیا تجھ میں

جو تُو بڑا ہے تو مجھ سا ہنر دکھا مجھ کو

یہ چھالیا ہی ذرا توڑ کر دکھا    مجھ کو

                                     نہیں ہے چیز نکمی کوئی زمانے میں

                                کوئی بُرا نہیں قدرت کے کارخانے میں